## فوائد سواقة السحــــالي ##

## فوائد سواقة السحــــالي ##
<hr style="COLOR: #e6e7e8" SIZE=1>

موضوع شفته في أحد المنتديات وعجبني لأنه خفيف دم حبيت انقله ليكم يمكن يعجبكم

حبيت أوضح لكم فوائد سواقة المرأة السعودية
وهي:

1. أن ذلك يضفي على الحركة المرورية لمسات سحرية وجمال أخاذ.

2. سياقة المرأة للسيارة يحجم بل يمنع مشكلة تهور الشباب وقطع الإشارات المرورية فسيحرص الشباب كل الحرص على أن لا تفوته إشارة حمراء لعل الله أن يرزقه(( ببنت الحلال))>خطبه في الشارع..

3. سعـــــودة محلات البنـــــشر بنسبة 1000%100 لأن الشباب كل واحـــد بفتح له بنشر وينتظر تبنشر سيارة وحده من البنات عشان يصلحها وهذا غير الشباب اللي بتلقاهم على الخطوط منتشرين تقل جراد كل واحد بعفريتته ومفك الكفرات..

4. ويكثر التقديم على وظائف المرور وخاصة أبو سبيته اللي يجلس عند الإشارات يعني زين إذا ما لقيت المرور يشترطون شهادة الطب للي يبون وظايف عندهم من كثر الطلبات عليهم >>قضينا على البطاله ها ها ها ...

5. سعودة محطات البنزين يعني بدل الهنود تلقون اللي يشتغلون فيها كلهم سعوديين بس في المقابل افلقوني لو أصحاب المحطات يكسبون ريال واحد يعني تجي البنت تقول لا أبو الشباب صب بنزين بعشره ريال طبعا أبو الشباب بحط لي البنزين في التانكي وبفتح فمه ويناظر بالبنت ماايدري إلا هو معبي تانكي السيارة لللاخر يعني Full طبعاً يوم بيجي يحاسبها وتعطيه عشره ريال مثل ما قالت له يعبي ويا ليته يأخذ لعشره ريال بعد إلا يطمر ويحلف عليها ما تدفع ريال ويقول هالمره خليها علينا.

6. توفير فواتير التلفونات يعني أم صويلح اللي كانت تتصل على أم دحيم وتجلس تكلمها بالساعات بيصير التلفون مال أمه داعي يعني أم صويلح بتمر أم دحيم والا بتقابلها في شارع وكلن بسيارتها وهاتك سوالف وهروج وهذا طبعا له عيوب يعني طبعا وهم يتكلمون بالخط ويقفلونه بتصير زحمه ما هيب طبيعية بس افلقني لو احد فتح فمه وقال لهم حركو السيارات زين إن مباشرو عليهم ببارد والا بعشاء وهم بسياراتهم وبيقولون لهم خذوووو راحتكم على الآخر أصلا حنا ماورانا شي وين الأبطال اللي إذاالواحد وقف سيارته ثواني ما يدري إلا مليون واحد يقوله حررك من هنا والا والله لادبغك يابن ال***!

7. وعلى فكرة فائدة قيادة السيارة لا تقتصر على المراة ( الآنسة) بل حتى (المدام) المتزوجة ومن ذلك انه إذا حصلت خصومة بين الرجل وزوجته واحتد الأمر وعلت الأصوات وامتدت الأيادي(وصفقها وصفقته) واحمرت الأعين وتطاير الشرر منها وأرغى وأزبد كل منهما... عندها ستقول الزوجة لزوجها ( ودني لهلي) وسيقول الزوج( ماني مودي) وستستمر المشكلة ولكن لو كان للزوجة سيارة فستخرج رغما عن زوجها وستقول له ( أروح ورجلك فوق رقبتك)

8. كذالك من فوائد سياقة الزوجة هو إنها تساعد في إحضار الأولاد من المدرسة وكذالك يمكن للمرأة ( الزوجة) إن تساهم كما أسلفت في مصروف البيت وبذالك بان تمارس مهنة( الشباب ) أي تحميل الركاب ... وهنا أوصي المرأة باقتناء الهايلكس الغمارتين وإذا لزم الأمر (( دينا)) لتحميل الطوب ونقل العفش والرمل والخرسانة ..

وبكذا نقلل من العماله وتقل البطاله والسرعه والحوادث المروريه ...

ههههههههههههههههههههههههههههه

تحيااااااااتي

لاتصدقوووووووون( ملطوووووووووووووش)

ههه يسلمو

مشكـــــــورهـ دمــــدووم ع المــرور

» فوائد صلاة الفجر