حراااااكااات البنات في الحصص (اسئلوا الخبيره)

--------------------------------------------------------------------------------
بسم الله الرحمن الرحيم


حركاات البناااات في الحصص
اول ماتبدا الحصه

(((اابله مافهمت الدرس))))(هذي تصير لي دايم)
اكيد مافهمتيه هذا من الهذرة والسوالف والسرحان والضحك بالحصة

(((ابله ممكن اروح الحمام؟؟؟؟؟))))
يعني مافكرتي تروحين الا الحين بعد الحصه روحي انتم شراات الاطفال رايحين جايين على الحمام

((((ابله ممكن تعيدين اللي قلتيه ماسمعته)))))ههه هاذي اكثر شيء اقوله لـ ابلة الرياضيات
اكيد ماسمعتي انتي وصديقاتك بس بتسولفون شلون بتسمعون؟ !:

((((ابله ممكن اشرب ماي؟))))
يعني ماصرتي عطشانه الا الحين احسن خليكي عطشانه علشان ماتسولفون ووتتكلمين

((((ابله منهجنا صعب خططي لنا الكتاب))))
من قبل المعلمه 3ردود
اول شي:اخطط لكم ليش انتوا اطفال
ثاني شي:انتم صرتوا كبار بصف(........) لازم تخططون برووحكم
ثالث شي: مافي تخطيط كل شي معكم احفظوا>>هذا اللي منقهره لانها كانت تحفظ الكتاب كله

(((ابله دفتري ضايع شو اسوي؟؟؟؟))))
في هذي الحاله المعلمه ترد عليها
الردالاول:هاه نعم؟؟ شو تسوين؟؟؟ شو رايك اروح بيتكم وادور عليه؟؟؟الا
الرد الثاني:لالا الحمدلله ماعندي دفاتر بمكتبي انا ارسلت كل الدفاتر ذيك المره
الرد الثالث:ترى ان مالقيتي دفترك راح تعيدينه كله من اول

(((بنت تمسح الصبووره وبعد ماخلصت ابله ممكن اغسل ايدي))))
انا اعرفكم يابنات تبون تتهربوا من الحصه لا ياحبيبتي مافي طلعه خذيلك كلينكس

((((ابله الجو حار مانقدر نستوعب المكيف خربان))))
شو شايفتني انا كهربي اللي يصلح لكم المكيف؟؟؟روحوا الادارة وقولوا لهم يلا لاتضيعي حصتنا

(((ابله في نمله تحت الدرج)))) ا
اصلا النمله تخاف منكم يلا بلا تضييع وقت خلونا نكمل شرحنا بس علشان نمله صغيره مسويين قصه

((((ابله الجو حلو ممكن نفتح الدرايش))))
انتم ماتفتحون الدرايش الا علشان تشوفون على الرايح والجاي مافي فتح

((((استاذة الشمس على عيوني ممكن نسكر الستاير؟))))
لاخلوها احسن لكم الشمس مفيده لكم,,
الظاهر ان هل المعلمه متعاونه مع احدى شركات التجميل علشان البنات يصيرون سووووووود من الشمس ويشترون كريمات جايز؟؟

((((ابله صراحه الامتحان كان وااايد صعب))))
سكتوووووووووووا مافي احد طلب رايكم,,
ابو الديمقراطيه هاهاهاهاهاها هههههههههههههههههههههههههه

((((((في حصة فراغ))))))
ابله الله يخليكي طلعينا
مجنونة انا اطلعكم ؟؟؟ عشان تسوون ازعاج وتزعجون الصفوف بعدين المديرة ماترضى

((((ابله انا تعبانة وديني على المشرفه))))
ما عليه لاتشاركين ويانا بس سمعي او حطي راسك على الدرج وخذي غفوة او ارقدي

الطالبه بتسأل سؤال بسيط ((((ابله ندرس من الدفتر اوالكتاب؟؟؟؟))))
الابله طنشت البنت ....
حركااااااااااااااات البنات
ههههههههههه

8
8

((((ما لحظتوووووووا انه مستخدم اللكنة الكويتيه انا لاطشته كذا ووايد اعجبني وحبيت انقل لعيونكم


تحياتي
مس
دمدوم

ههههههههههههههههههههههههه مشكووره ع المووضووع (( والله جد)) ما قصررتي

تسلمي على هالضحكه ومشكوره على مرورك الرائع

صراحه ذي الحركات تصير عندنا ماتقصري
ههههههه من جد دايم تقوليها لأبلة الرياضياب تسلمي خيتوه

هههههههه شفتي عشان اسولف معكم بث

تسلمي على المرور يالغلا